الكاتب : إيهاب عدل بجيب
الكلام ده قولته ولسه بقوله حضارة البدو مختلفه تماما عن حضارة الفلاحين البدو ليس لهم حضارة لعدم استقرارهم في منطقة واحدة وارتباطهم بالعشيرة والقبيلة وليس بالأرض الفلاح بسبب استقراره وارتباطه بأرضه فيمكنه العمل علي قيام الحضارة وهو بالتبعية أقل ثورة وتخريب لبلاده ولكن الرعاة الغير منتمين لأرض مايهمهمش خراب بلاد ليس لهم فيها شئ ببساطة ينقلوا لمكان آخر
فى الثقافة الشعبية المصرية هتلاقى المصرى حريص على أنه ينتسب للأرض , عشان كده هتلاقى أسامى أجدادنا وعائلاتنا : المنوفى ،الأسيوطى ,الدمنهورى ،الجرجاوى , المنياوى , الدسوقى . الشبينى..إلخ
أما فى ثقافة البدو مع كامل احترامنا لثقافة الآخر هتلاقى عندهم الإنسان حريص على إنه ينتسب للقبيلة أو العشيرة , عشان كده هتلاقى : القرشى , الطائى , الأوسى , التميمى .
ثقافة مختلفة .احنا فلاحين من جدود الجدود , و ارتباطنا بالأرض هو الأساس اللى قامت عليه الحضارة المصرية القديمة احنا ولاد الأرض والطمى والنيل .
عشان كدة مهما حصل لمصر غزو أو احتلال أو استعمار مستحيل يغير أو يمحو هويتنا المصرية اللى عايشة جوانا و فى چيناتنا من آلاف السنين….
