الشاعر الحر محمد عبدالله محمد عبدالله
فرحان سعيد طاير
المهم اني مش عارف اعبر
بس اخيرا ابتسامتي بتبشر
امي فين
تعالوا يا ناس بصوا وشوفوا ابنها بقى ايه
ابنها بقى بيه
امي فين اللي عاشت العمر بتعافر الكل قال فاشل تعبه نفسك ليه
وبتعاندي وبتجاهدي على ايه
حتى انا من كتر كلامهم صدقت
باني كده وهفضل كده وهي دنيا وهتفوت
بس هي قالت بكره نشوف
بكره يبقى دكتور وتتمنوا تزوروه
بكره يبقى حاجه وتتباهو بان كنتوا تعرفوه
اسمع يا واد
لسه فاضل لك حبه
لسه دعايه ليك مستخبه
طول ما شمس ربك ايده
بكره ليك لازم يا واد تفرحني بيك
اديني وسطيهم بقى ياما
تعالي افرحي ولمي 100 لما
حلمك حصل
فينك ياما تجمعي حصادك اهو وصل
حلم وحصل
امي فين
انشغلت بالحكاوي عن نفسي
ونسيت ان هي نفسي
هي فين مالكم ملمومين كده ليه
خشبه مين دي والمين اللبس الابيض ده
انا جايب لملاكي لبس العمره
هديه مني عن الشقه والتعب وبصراحه طمعان في دعوه
امال مالها عينيا دمعي سايل ولساني متحاش
عايز اصرخ واقول خدوني انا بس هي بلاش
من غيرها انا ما سواش
يا رب انا راضي
بس اعوضها انت بدالي
عاشت العمر كله تعبانه فيا رب بترجاك تريحها لي
