الشاعر: محمد علي
واقولَك ايه
بلاش تخسر
يلاش تكسر في قلبي الشوق
نفس مخنوق
بينده ع الليالي تروق
مابينا فروق
وتتخطى الخريف لكن
بترسم حلمها النايم
ربيع ساكن
بلون داكن
حقيقي النور بيرسمني
بلاد الحور تتوه مني
والاقيني جبل عالي
تهون الروح لكن غالي
ولا يبالي بهوان الليل
وقلبه بينسج المواويل
كلامه قليل لكن حكمه
وطبعه من هوا القسمه
تروح بسمه
لكن جوه عيونه حنان
سفر وزمان
بيسحر جوّه قلبه طوفان
لكن ساكت
وحاسس بيه
واقولَك ايه
واقولَك ايه
