بقلم : هويدا مصطفى درويش
امى
ضميني يا امى ضميني
وفي قلبك من جوه سيبيني
حياتي انت ونور عيني
انت الدفا انت الحنان
جوه حضنك بحس بامان
دمي اللي بيجري في الشريان
فضلك عليا ما يتاقل بالمال
حروف اسمك يا امي
بتجري في دمي
ونور عيني
اللي بينور طريقي
غانيني عن الدنيا
نفسي اجيبلك
من السما حته
دا لو جرى لك مكروه
قلبي يتقطع علشانك
حته حته
يا ست الكون
باشوفك قصاد عيني
منين ما اكون
يا تاج على راسي
يا اغلى الناس
يا موقفانى على رجلي
ومدياني الحماس
يا اللي لسانك
بينقط سكر
بطعم الاناناس
وبادعيلك دايما لرب الناس
في سجودي
ما تبعدي ثانيه ولا لحظه
بتغنيني عن كل الناس
يا رب يا رب اكون زيك
او حتى نقطه في بحرك
ويشاوروا يقولوا
انا بنتك انا شبهك
